O equipo español de Copa Federación estrea en Galati a nova equipación deseñada por Naffta

A selección española de Copa Federación luciu xa a nova equipación deseñada pola marca española Naffta durante as sesións de adestramento previas á celebración da primeira rolda do Grupo Mundial II, que a enfrontará con Romanía no Danubio Area da cidade romanesa de Galati.

Tanto as xogadoras capitaneadas por Conchita Martínez coma o persoal de apoio puideron familiarizarse así estes días coas novas pezas que vestirán en todas as competicións da Fed Cup e antes da súa estrea este fin de semana, cando intentarán bater ao cadro liderado por Simona Halep, terceira na clasificación mundial da WTA.

A Real Federación Española de Tenis apostou pola marca española Naffta para equipar tanto os equipos españois de Copa Federación e Copa Davis coma os equipos sub-12, sub 14, sub 16 e sub 18, ademais de ao equipo de tenis en cadeira de rodas e ás seleccións femininas e masculinas de veteranos, árbitros e persoal de apoio.

A equipación deseñada por Naffta será presentada oficialmente no mes de marzo, durante un acto que terá lugar en Madrid e no que se desvelarán os seus detalles técnicos.