O Concello de Nigrán prolonga a beirarrúa de Alcalde Manuel Alonso ata a Avda. Castelao
O goberno municipal finaliza a prolongación da beirarrúa de Alcalde Manuel Alonso ata a Avda. Castelao, dando así continuidade a unha infraestrutura que ata a data se encontraba cortada na intersección destas dúas rúas. “Unha actuación menor que permitirá mellorar a seguridade para os peóns, ao evitar que teñan que desprazarse á calzada nunha zona cun fluxo considerable de tráfico rodado,” sinala o alcalde, Alberto Valverde.