Fernandez de Mesa visita o Cuartel da Garda Civil de Palas de Rei

Fernández de Mesa na visita ao cuartel

O Director Xeral da Guardia Civil, Arsenio Férnandez de Mesa visitou as novas instalacións do Cuartel da Guardia Civil en Palas de Rei, ubicado na rúa do Muiño da localidade palense. Na súa visita a Palas de Rei, o Director Xeral da Guardia Civil, estivo acompañado polo alcalde desta localidade, Pablo Taboada e por diversos mandos da Guardia Civil. Arsenio Fernández de Mesa, ademais de visitar as dependencias do cuartel palense, interesouse polo desempeño das funcións diarias. Neste senso, o alcalde de Palas de Rei, Pablo Taboada, trasladoulle a necesidade de incrementar o número de axentes na localidade, ao ser Palas de Rei un municipio moi transitado por turistas e camiñantes que desenvolven as dúas rutas de peregrinaxe a Santiago que pasan polo municipio ( Francesa e a Primitiva). A este respecto, o Director Xeral da Guardia Civil amosou a súa plena dispoñibilidade ao incremento da actual plantilla de axentes no Cuartel da Guardia Civil.