EU-V reclama unha auditoría cidadá da débeda do Concello da Coruña

O Grupo Municipal de EU-V no Concello da Coruña reclamou unha “auditoría cidadá” da débeda pública na Casa do concello coruñés, ao tempo que avoga por unha política de gasto “austera e racional que priorizar os servizos públicos e a inversión para crear emprego”.

Nun comunicado, esta formación reclama saber “a quen e a qué empresas se beneficiou con diñeiro público para poder exercer un mellor control sobre o gasto”.

Por iso, pide que se “desvelen as débedas municipais por prestación de servizos que non son de competencia municipal” e concentrarse en analizar “procedementos de licitación e pagamento dos grandes contratos públicos”.

Ademais, avoga por apoiar a creación de cooperativas e empresas “de economía social para a xestión de determinados servizos, dende unha óptica de complementariedade da xestión da administración pública”.

Para as novas contratacións, defende introducir nos pregos de condicións de obras e servizos municipais “cláusulas para primar a empresas que acheguen emprego estable”