Continúa aberta a inscrición para o curso de pintor en Gondomar

O Centro de Información á Muller de Gondomar, pon en marcha neste ano 2015 un novo curso de pintor/a dirixido preferentemente a mulleres de Gondomar paradas de longa duración. O curso gratuíto e de 80 horas de duración, repartido en 40 horas de formación teórica e 40 de formación práctica, ten como obxectivo proporcionar coñecementos básicos sobre os diferentes tipos de pinturas, preparado de superficies, condicionantes de aplicación e remates, incluíndo formación en prevención de riscos laborais en traballos de pintura.

O curso espertou grande interese entre os veciños/as de Gondomar, xa que son poucas as prazas que aínda quedan libres. Para todos aqueles que desexen participar, recordar que o prazo de inscrición segue aberto e que rematará o próximo 25 de Febreiro.

A inscrición poderá formalizarse no Centro de Información á Muller sito na Casa da Cultura, R/ Portugal s/n; no teléfono 986 360 224 ou nos correos electrónicos cim@concellodegondomar.com ou aio@concellodegondomar.com.