Catrocadeiras presenta no Carballiño a obra teatral “O Feo”
A compañía Catrocadeiras representará o espectáculo teatral “O Feo” o vindeiro sábado, 28 de febreiro, ás 20,30 h no Auditorio do Carballiño. A entrada custa 5 euros.
CATROCADEIRAS
CATROCADEIRAS é unha compañía de nova creación formada por catro titulados da Escola Superior de Arte Dramática de Galicia e unha actriz formada en Madrid, nas escolas La Cuarta Pared e na Escuela de Teatro de Mar Navarro y Andrés Hernández.
Catro Cadeiras articulamos a nosa estratexia creativa a partir das seguintes premisas de traballo:
· Aposta pola escenificación de dramaturxias contemporáneas.
· Posta en valor da linguaxe especificamente teatral.
· Baseamento das nosas propostas escénicas no traballo actoral.
SINOPSE:
Lette considérase unha persoa normal. Traballa duro como enxeñeiro e goza dun matrimonio apracible e sen sobresaltos. Mais un día descubre unha terrible verdade: é espantosamente feo.
Así comeza O Feo, unha comedia do recoñecido autor alemán Marius Von Mayenburg, que dun xeito divertido e mordaz, convida a reflexionar acerca do que realmente nos define como persoas hoxe en día.