Apertura do prazo para a solicitude de autorizacións de quioscos nas praias de Cangas

O Concello de Cangas lembra a todos os veciños/as, mediante os correspondentes bandos, interesados na solicitude de autorizacións para a instalación de quioscos de verán tanto en zona pública como en terreos privados ou en zona de servidume de protección do dominio público que xa está aberto o prazo para a presentación de documentación.

As instancias poderán ser presentadas no Rexistro de entrada do Concello para ser remitidas posteriormente ao organismo público correspondente, salvo as de quioscos de verán en terreo privado, na zona de servidume de protección do dominio público que o farán no Rexistro de entrada do Edificio Administrativo da Xunta, en Pontevedra ou no Portelo Único do propio Concello. As peticións serán recollidas ata o 19 de marzo do ano en curso aportando a documentación requerida en cada caso.

Ademáis, o Servizo Provincial de Costas de Pontevedra remitíu ao Concello os criterios a ter en conta na elaboración e explotación de servizos de temporada nas praias do Concello como en anos anteriores. A Xunta de Goberno Municipal de data 16 de febreiro de 2015 deu conta deste escrito para a elaboración e explotación dos planes de ocupación durante o ano 2015, que será remitido unha vez examinada as peticións realizadas pólos interesados e as necesidades en canto a servizos que se plantexan cada temporada nas diferentes praias do Municipio.