Alberto Guerrero logra a medalla de prata no campionato de España Promesa de pista cuberta

Bo balance da Sociedade Ximnástica no Campionato de España Promesa de pista cuberta, que se celebrou en Antequera, escenario o próximo fin de semana do Campionato de España Absoluto, cunha medalla de prata e tres postos de finalista. Alberto Guerrero foi o único atleta pontevedrés en subir ao podio, na carreira de 800 metros con 1.53.00, e a xa mencionada medalla de prata.

Manuel Molinos estivo pelexando polas medallas no salto de altura, excedeu os 2,07 á terceira tentativa, o que o relegaba provisionalmente á cuarta posición, tiña que saltar a seguinte altura, 2,10, para subir ao caixón pero non puido ser. Rocío Rodríguez atopouse cunha final moi rápida na que os catro primeiros fixeron a mínima para o Campionato de España Absoluto. Rocío tivo que conformarse coa quinta posición, cun rexistro de 4.45.59.

Gonzalo Sánchez, pechou a participación da Ximnástica no Campionato, malia que correu en 6.98 a primeira rolda eliminatoria dos 60 metros, tanto na semifinal como na final non mellorou este tempo e con 7.03 na final obtivo a sexta posición. Na puntuación por finalistas a Ximnástica consegue a undécima posición con 19 puntos, dun total de máis de 70 Clubs que puntuaron.