Adxudícase por 212.597 euros a mellora da seguridade viaria da estrada Rodeiro-Oseira
A Xunta de Goberno da Deputación de Pontevedra adxudicoulle hoxe a Construcciones Rafer, por 212.597 euros, a rehabilitación do firme e mellora da seguridade viaria na estrada Rodeiro-Oseira.
Ó concurso presentáronse 10 empresas e foi adxudicado a Rafer, cun prazo de execución dos traballos de 21 días.
Os traballos consistirán na mellora integral do firme e da capa de rodaxe, así como na limpeza de cunetas, perfilado de curvas e outros.