A Deputación de Pontevedra colaborará con Antón Paz para afrontar as probas clasificatorias para Río 2016

Antón Paz na Deputación

A Deputación de Pontevedra financiaralle ó medallista olímpico Antón Paz a compra do material deportivo preciso para preparar as probas clasificatorias para os Xogos Olímpicos de Río 2016, que o deportista afronta co seu irmán Carlos na clase Tornado de Vela.

Paz foi recibido hoxe na Deputación de Pontevedra pola deputada de Deportes, Begoña Estévez, quen lle trasladou o compromiso da institución provincial. Estévez manifestou que xa o ano pasado a Deputación colaborou cos irmáns Paz na compra de mastros e velas.

Antón Paz participou nos Xogos Olímpicos de Pequín 2008, na clase Tornado de Vela, na que conseguiu a medalla de ouro (o seu compañeiro de barco foi Fernando Echávarri).

Actualmente forma parte do equipo olímpico español de vela e prepara a súa participación nos Xogos de Río. Este ano afrontará dúas probas definitivas para a clasificación para os Xogos. Por esta razón Begoña Estévez anuncioulle a colaboración da Deputación para adquirir o material deportivo necesario (sobre todo mastros e velas) para superalas e defender en Río a súa medalla de ouro.