Suspéndese a cuarta etapa da Regata Río Negro

A cuarta etapa da Regata Río Negro que se disputa en Arxentina foi suspendida debido á intensidade do vento na zona. Polo tanto, non se puideron disputar os 64 quilómetros previstos. As clasificacións non sofren variacións. Iván Alonso mantense segundo cunha desvantaxe de 32 segundos sobre o líder en K-1 sénior, Pascual Orellana, mentres Alberto Díaz ocupa a primeira posición na xeral de K-1 máster.
A decisión de anular a etapa foi consensuada entre os padexeiros e os organizadores, xa que non se podía garantir a seguridade dos deportistas.

Esta madrugada disputarase a última regata, con chegada a Viedma. Serán 24 quilómetros de percorrido.