Salvaterra recolle máis de 3.000 quilos de alimentos na Campaña de Nadal

O Concello de Salvaterra de Miño dá ás grazas a todas aquela persoas, que a través dos Centros Escolares, Supermercados, Actividades Deportivas ou simplemente achegándose a Servizos Sociais do Concello colaboraron nesta campaña de Nadal.

O Concello atende mensualmente a preto de 200 persoas, entre as que se encontra un número elevado de menores, aos cales se presta unha especial atención.

Todos os meses o Departamento de Servicios Sociais atende as necesidades básicas destas familias, a través dos alimentos doados, enviados por Cruz Vermella e comprados polo propio Concello.

Dende a súa creación no ano 2009 o programa de Alimentos Municipal leva repartido mais de 65.000 kilos de comida, coa  entrega mensual de alimentos de primeira necesidade a todas aquelas familias que están pasando por unha situación complicada.