Rialeda acolle a presentación dun novo libro de Cristina Bario

O mércores próximo 4 de febreiro ás 18:30 horas a mestra Cristina Barrio Cordeiro presentará o seu libro Totum revolutum na Biblioteca Central Rialeda en Perillo.Cristina Barrio Cordeiro é veciña de Mera, é mestra de profesión e leva moitos anos participando activamente nos talleres de lectura e tertulias literarias da Biblioteca Central Rialeda, así como noutras actividades organizadas pola biblioteca entre as que destacamos os talleres de escritura. Totum revolutum consta de trinta e oito relatos que se desenvolven na actualidade, desde cómicos a dramáticos, clasificados en dúas partes, en función do idioma en que están escritos.