Enviar a un amigo
Opinar
ImprimirPublícanse as bases que rexerán a XXIII Gala do Deporte Ferrolán
A Concellería de Deportes do Concello de Ferrol, que dirixe Susana Martínez Galdós, publicou hoxe as bases que rexerán a XXIII Gala do Deporte Ferrolán e que foron aprobadas esta mesma semana en Xunta de Goberno Local. Estas bases xa foron remitidas as diferentes entidades deportivas locais para que poidan facer as súas propostas de deportistas que, segundo o seu criterio, son merecedores de ser premiados nesta vixésimo terceira edición.
As entidades deportivas e clubs deberá presentar o formulario coas propostas de candidatos aos galardóns ata o sábado 24 de xaneiro ás 13:30 horas no Rexistro Xeral do Concello de Ferrol. A cerimonia de entrega dos premios e recoñecementos terá lugar o día 25 do vindeiro mes de febreiro ás 20:30 horas no Teatro Jofre e distinguirá aos deportistas, entidades e clubs da cidade que destacaron pola súa labor en diferentes modalidades deportivas durante a tempada 2013-2014. Así, e segundo as bases que rexen a XXIII Gala do Deporte Ferrolán, os premios son os seguintes:
– Carabela de Prata ao mellor deportista ferrolán do pasado ano 2014, coa que se premia ao deportista máis destacado que lograra un bo resultado, record, mellor marca, internacionalidade, etc.
– Trofeo para os finalistas.
– Distinción á mellor promesa (tanto masculina como feminina), para deportistas nados nos anos 1996 ou posteriores.
– Distinción ao mellor club, agrupación deportiva ou colexio que se distinga especialmente pola súa promoción do deporte base.
– Trofeo ou placa para persoas entidades ou institucións pola súa entrega e traballo na promoción ou apoio ao deporte, ex-deportistas pola súa traxetoria deportiva, etc.
– Distinción ou trofeo e diploma para os mellores de cada especialidade deportiva (tanto masculina como feminina).
– Distinción TrofeoJavier Gómez Noya, galardón dirixido a todos aqueles deportistas que resultaran galardoados coa Carabela de Prata durante catro anos consecutivos ou máis de catro nos seis derradeiros anos sempre que a súa traxectoria no ano 2014 o faga merecedor da distinción.
