publicidade hoxe

Os Reis Magos reparten ilusión en Val do Dubra

PUBLICADO EN: Noticias de GaliciaVal do Dubra
A-
A+
Os Reis Magos en Val do Dubra

Os Reis Magos en Val do Dubra

Os Reis Magos percorreron durante a tarde de hoxe as parroquias do Concello de Val do Dubra. As súas Maxestades pasaron polos principais puntos do municipio nun tren, recollendo aos nenos que querían pasar un anaco con eles e repartindo caramelos. Despois do recorrido, que partiu dende Portomouro e pasou por Rial, Campo da Feira e polo núcleo urbano de Bembibre, os Reis Magos de Oriente foron recibidos pola Corporación Municipal no Pavillón de Deportes. Melchor, Gaspar e Baltasar pronunciaron o seu discurso e procederon á entrega de caramelos e regalos aos nenos e nenas do Concello de Val do Dubra. Ata o Pavillón de Deportes de Val do Dubra tamén se desprazaron nenos cos seus papás de concellos próximos como os da Baña, Ames, Trazo e mesmo de Santiago de Compostela. O alcalde, Ramón Varela, desexou a todos os presentes un feliz ano e tamén fixo propósitos para que esta noite os Magos de Oriente repartan ilusión e felicidade en todas as casas do Concello de Val do Dubra. Os Reis, xa entrada a noite, retiráronse para proceder a repartir os regalos en todas as casas do Concello de Val do Dubra. Botaranlles unha man os seus paxes. O traballo para eles esta noite será intenso.

5 de xaneiro de 2015 | 20:59 • Sen comentarios

Comentarios pechados.