Os ‘Contos da Neve’ chegan á programación da Biblioteca de Verín

O vindeiro xoves 15 de xaneiro, de 18 a 19.30 horas, a Biblioteca Pública Municipal de Verín programa a iniciativa ‘Contos da Neve’, no marco da programación de actividades destinadas ao fomento da lectura e dinamización da instalación municipal.

A mesma está destinada a un máximo de 20 nenos/as socios/as da instalación, con idades comprendidas entre os 3 e 9 anos. Consistirá na realización de contacontos do inverno e da neve, e como manualidade un boneco de neve -os/as participantes deberán traer dous pratos de cartón, un grande e outro pequeno-. A actividade será coordinada por nenos/as voluntarios/as, de entre 11 e 16 anos, e persoal da Biblioteca Pública Municipal de Verín.