O segundo ano de xestión integrada do Sergas en Pontevedra e O Salnés potenciou a asistencia no hospital arousán

As dinámicas de xestión integrada do Servizo Galego de Saúde en Pontevedra e O Salnésxeraron no seu segundo ano de aplicación unha notable potenciación da asistencia sanitária pública do hospital arousán na comarca, segundo revelan as cifras de actividade asistencial acadadas o pasado ano 2014.

Así, o Hospital do Salnés asumiu en 2014 un menor número de ingresos -4.705; que son 159 menos que en 2013, cando se deron 4.864- cunha estadía media de 5 días, ao igual que se dera en 2013.

No que atinxe ás Urxencias, os datos globais de 2014 revelan unha actividad prácticamente similar da atendida en 2013. Deste xeito, o Hospital do salnés atendeu o pasado ano 36.105 urxencias –cifra case igual que a de 2013, cando se atenderon 36.107, cunha media de 98 asistencias deste tipo ao día, ao igual que en 2013, e unha procentaxe de urxencias porteriormente ingresadas do 12%.

Durante o pasado ano realizáronse un total de 4.862 intervencións cirúrxicas, das que 3.614 foron ambulatorias, acadando o 74,33% do total -catro puntos mais que en 2013, no que este tipo de intervencións acadou o 70,9%-.

O número de consultas externas atendidas no Hospital do Salnés o pasado ano foi de 88.369 consultas externas –cifra similar ás atendidas en 2013-, cunha demora media de primeiras consultas de 25 días -2 días menos que as 27 xornadas que se agardaban en 2013-.

Estadías, esperas medias e rendemento cirúrxico

No que atinxe á estadía media preoperatoria de pacientes, o pasado ano 2014 foi de 0,6 días. A espera media cirúrxica global baixou a os 39 días, polos 40 que se agardaban en 2013. A espera media cirúrxica para Prioridade 1 foi en 2014 de 11 días, cumprindo amplamente o compromiso da Consellería de Sanidade de atender aos pacientes máis graves en menos de 30 días.

Así mesmo, o pasado ano 2014 descenderon 109 episodios en lista de espera no Hospital do Salnés, pasando a 385 os 494 episodios que agardaban en 2013

O rendemento dos quirófanos do Hospital do Salnés incrementou a súa produtividade o pasado 2014 ata un 77,3%, tres puntos porcentuais mais que en 2013, ano no que se acadou un 74,8%.

Incremento da coordinación asistencial

En 2014 incrementáronse os procesos de coordinación entre os profesionais do Complexo Hospitalario Universitario de Pontevedra, do Hospital do Salnés e dos centros de saúde do área, que permiten mellorar a accesibilidade dá poboación e a eficiencia dás prestacións sanitarias públicas.

Entre eles, as vías rápidas de atención ao cancro, os protocolos comúns para a atención e seguimento de diversas patoloxías, o incremento da telemedicina, a petición electrónica de analíticas desde os centros de saúde -coa case total eliminación das peticións en papel- e o control de Sintrom en Atención Primaria, que permite a moitos pacientes facer o seguimento deste tratamento no seu propio centro de saúde, sen necesidade de desprazarse ao hospital.

Unha nova vía rápida de atención ao cancro, dedicada ao melanoma, púxose en marcha este ano, sumándose ás que xa viñan funcionando de mama, pulmón, vexiga, colo-rectal e patoloxías de otorrinolaringoloxía. Ao longo do último ano foron atendidos 920 pacientes da área integrada de Pontevedra e O Salnés a través destas seis vías, que permitiron diagnosticar ao paciente con sospeita de padecer cancro nun prazo inferior a unha semana, superando o obxectivo da consellería para 2014 que establecía una demora inferior a 15 días.

As consultas de telemedicina -que permiten aos facultativos de Atención Primaria enviar telemáticamente imaxes de alta resolución e efectuar interconsultas en tempo real cos especialistas do CHOP e do Hospital do Salnés, sen necesidade de desprazamento dos pacientes- incrementáronse este ano coa incorporación de e-consultas de estomatoloxía, alerxia e dixestivo, que se suman ás que xa viñan funcionando en oftalmoloxía, dermatoloxía e endrocrinoloxía. Ao longo do ano 2014 realizáronse 1.556 consultas de telemedicina, un 28% máis que o ano anterior,.

A posta en marcha de novas técnicas cirúrxicas, minimamente invasivas, máis seguras e que permiten unha recuperación máis rápida e cómoda para o pacientes, foi outro dos temas destacados, como a morcelación para o tratamento ambulatorio de pólipos uterinos, polo que se realizaron 34 intervencións no Hospital do Salnés o pasado ano.

Estes resultados corroboran que o modelo de xestión integrada da asistencia planificado pola a Administración Sanitaria galega potencia en Arousa a coordinación entre os diferentes niveis asistenciais, mellorando nesta área xeográfica a accesibilidade da poboación e a eficiencia das prestacións sanitarias públicas.

Centrado na atención ao paciente -coa implicación de todos os profesionais da comarca na toma de decisións, e mediante o uso da xestión clínica e da xestión por procesos- o SERGAS evoluciona en Arousa nun sistema sanitario público cunha organización máis eficaz. Ao integrar os servizos de Atención Primaria e Especializada, increméntase a complexidade dos procesos que se atenden.

Deste xeito, garántese a equidade, a accesibilidade, a continuidade, a calidade e a seguridade da atención sanitaria en Arousa, tamén cunha maior eficacia e eficiencia dos recursos económicos públicos.