O grupo Jim Sports doa os agasallos que se repartiron na cabalgata de Palas de Rei

Na tarde do 5 de xaneiro, Palas de Rei recibiu a visita dos tres Reis Magos de Oriente: Melchor, Gaspar e Baltasar que a cabalo percorreron a vila acompañados dos seus respectivos paxes. A Oficina de Información Xuvenil do Concello de Palas de Rei, organizou a tradicional Cabalgata de Reis. Posteriormente, sobre as 17.00h. na Praza do Concello de Palas de Rei os Reis Magos recibiron aos nenos/as e repartironlles os correspondentes agasallos. Todos estes agasallos, máis de 400 artigos, estiveron doados por o grupo JIM SPORTS que reune un conglomerado de empresas dedicadas a fabricación e comercialización de material deportivo en todo o mundo.

Posteriormente, lembrar que a partires das 8:30h. da tarde, tamén na Praza do Concello de Palas de Rei a Asociación de Empresarios e Industriais de Palas de Rei (ACIPA) desenvolveu os SORTEO DE NADAL no que se outorgaron 5 agasallos: 1º premio,vale de compra de 500€; 2º premio,viaxe dunha fin de semana a mallorca; 3ºpremio, lote de productos da zona; 4º premio, vale de compra de 150 €; 5ºpremio, noite romántica no balneario rio Pambre.