O Concello de Vilagarcía ofrece aos veciños as virutas obtida dos restos das podas

A Concellería de Medio Ambiente iniciou esta semana a poda periódica das árbores dos parques, rúas e zonas verdes do municipio. Para unha mellor xestión dos residuos vexetais, o Concello adquiriu hai uns meses unha trituradora que permite que as ramas cortadas se desfagan en virutilla que se pode reutilizar para labores de xardinería, para mantemento de cuadras de gando e granxas de aves e para outras actividades. Os veciños que precisen este material poden recollelo de balde no Punto Limpo de Pinar do Rei.

Esta é a primeira temporada que se pon en marcha este sistema de triturado dos restos de poda. As ramas desmenúzanse no propio lugar no se que cortan, a efectos de permitir un traslado e depósito máis cómodo ao Punto Limpo, xa que triturados ocupan moito menos espazo.

As virutas de madeira teñen utilidade en xardinería e horticultura, tanto como elemento decorativo como para impedir o crecemento de malas herbas. Tamén se utilizan como illante da humidade en solos das cadras de gando, granxas de aves ou calquera tipo de criadeiros de animais.

Os veciños que precisen deste material, poderán ir a recollelo ao Punto de Limpo, de forma gratuíta.