O comité de empresa de Urbaser considera xusta a sanción pola folga en Lugo

O secretario do comité de empresa de Urbaser, Julio Pacio (UGT), considerou “xusta” a sanción de 30.000 euros á concesionaria do servizo da limpeza por parte do Concello de Lugo en relación ao incumplimiento de servizos mínimos durante a folga do pasado verán.

A xunta de goberno local desestimou, na súa reunión deste mércores, un recurso de reposición interposto por Urbaser e ratificou a sanción de 30.000 euros, a máxima permitida pola lei.

“Nós vémolo xusto. A empresa saltouse a lei, entendemos que isto forma parte do final desta folga”, considerou o secretario do comité de empresa.

Nove meses logo da folga, a situación vivida durante o verán aínda mantén tirantes as relacións entre traballadores e dirección, que “son tensas”, recoñece Pacio.

Dos ataques a contenedores, cun número moi importante destruídos por incendios na cidade de Lugo, o sindicalista os desvincula da folga. “Non houbo unha folga que fóra tan limpa”, afirmou.

Julio Pacio apelou a que “anteriormente á folga xa se producían eses actos vandálicos recoñecidos pola Policía e agora séguense producindo o mesmo que antes”. “Serán as forzas da orde pública as que teñan que determinar e perseguir ese vandalismo”, concluíu.