O centro cultural de Sigüeiro acollerá un concerto dos profesores da Aula de Música de Oroso

O centro cultural Fernando Casas e Novoa de Sigüeiro acollerá mañá venres 30 de xaneiro, ás 20:00 horas, un concerto a cargo dos profesores da Aula de Música de Oroso. Será a primeira vez que os docentes da Aula de Música de Oroso protagonicen un concerto destas características, xa que ata o de agora tan só tiñan actuado a carón dos seus alumnos ou no marco doutras iniciativas culturais. No concerto tocaranse pezas de jazz clásico, moderno e latino. A asistencia é totalmente libre e de balde.