Limpezas Salgado repite como empresa de limpeza oficial do Rio Natura Monbus Obradoiro

A firma santiaguesa Limpiezas Salgado renovou un ano máis o seu acordo co Rio Natura Monbus Obradoiro, para seguir sendo a empresa oficial de limpeza do club. Esta será a cuarta tempada que a empresa se manterá ao lado do equipo, polo que se converte nunha das entidades máis veteranas do Club de Empresas Obradoiro.

A compañía comparte de novo os valores do equipo, ao tratarse dunha pequena empresa que compite con eficacia no mercados con grandes multinacionais, semellante ao papel que o Rio Natura Monbus Obradoiro desenvolve na Liga Endesa ante equipos de maior presuposto.

A empresa, que neste 2015 cumpre 30 anos de experiencia no sector, traballa cunha sempre renovada metodoloxía de traballo para a prestación de todo tipo de servizos de limpeza aos que hai que engadir dende este ano como novidade o servizo de empregados de fogar. Son eles mesmos tamén os que se veñen encargando de manter a pista do Fontes do Sar en perfectas condicións durante o desenvolvemento dos partidos.