Jonny Castro continuará como celeste ata 2019

Renovación de Jonny Castro. Foto: realclubceltadevigo

O Real Club Celta selou hoxe a renovación dunha das súas novas promesas do primeiro equipo, o canteirán Jonny Castro, que amplía a súa vinculación co club celeste ata xuño de 2019. Con esta nova renovación, o RC Celta garante a continuidade dun dos seus futbolistas con maior proxección e consolida a súa aposta por construír un equipo de futuro.

Jonny Castro, (Vigo, 3 de marzo de 1994), chegou á canteira do Real Club Celta en categoría infantil e debutou co primeiro equipo céltico aos 18 anos, na tempada 2012-2013. O defensor celeste compaxinou o seu fulgurante crecemento no RC Celta con varias internacionalidades en diversas categorías da Selección Española, dende a sub-18 ata a sub-21.

“Estou moi contento. Agradezo ao club a súa confianza en min”, declarou Jonny tras asinar a súa renovación. O canterano asegurou sentirse “moi orgulloso” por poder defender o escudo do Celta e mostrou o seu agradecemento á afección: Sempre estiveron connosco. Club e afección somos unha piña. Temos que seguir adiante porque xuntos podemos facer grandes cousas”.