Importante presenza dos atletas pontevedreses nas competicións de Vigo e Lugo

Comezou o mes de xaneiro e por diante quedan 31 días importantes para os atletas da Sociedade Ximnástica, xa que se celebran nestas datas a maioría dos Campionatos de Galicia de pista cuberta.

Os atletas pontevedreses desprazáronse a Vigo e Lugo, para conseguir as marcas mínimas de acceso ao Campionato autonómico e aínda que é pronto os bos resultados non se fixeron esperar.

En Vigo, Jon Alonso foi terceiro nos 200 metros, mentres que en rapazas, Andrea Pais se impuxo na devandita distancia; nos 60 metros valos sub18, Lucía Ferrer foi terceira e na pértega feminina, Emma Ramos gañou a proba, sendo secundada por Ana Magadalena.

No módulo cuberto de Lugo, Darío Costas con 7.04, impúxose nos 60 metros; Alexandre Solla foi terceiro nos 60 metros valos; Santi Ferrer, foi o que máis saltou coa pértega, con 4.40, mentres que Carlos Montero foi terceiro con marca persoal de 4 metros; Ángel Vargas, na pista exterior, impúxose nos 400 metros, tamén con marca persoal de 50.96. Nas probas femininas, destacar o terceiro posto de Nerea Casal nos 400 metros