Deteñen en Vigo a un xoven marroquí por estanza irregular en España

Axentes da Policía Local de Vigo detiveron un mozo de 22 anos de idade, J.E.H., de orixe marroquí por un suposto delito de estanza irregular en España, segundo confirmaron fontes deste servizo.

Os feitos tiveron lugar na mañá deste luns, cando unha patrulla identificou o mozo, na confluencia das rúas Príncipe e López de Neira. O rapaz non tiña documento de identidade nin pasaporte, e recoñeceu os axentes que levaba 3 anos vivindo en España sen regular a súa situación.

Os axentes consultaron co Corpo Nacional de Policía, que confirmou que non constaba que o mozo tivese iniciado trámite ningún para legalizar a súa situación. Por iso, o rapaz foi detido.