Deteñen aos presuntos autores da agresión ao propietario e un empregado dun bar en Verín

A Guardia Civil de Verín detivo tres individuos como presuntos autores da agresión ao propietario e un empregado dun bar no municipio de Verín (Ourense).

Segundo informou o Instituto Armado, ás 20,30 horas do martes foron detidos M.S.S., de 31 anos; A.S.R., de 34 anos; e C.M.R., de 42 anos de idade, veciños de Verín, como presuntos autores dun delito de lesións.

Os arrestados están acusados de agredir o propietario e empregado dun local de copas da localidade de Verín, “causándolles lesións de carácter grave”, engadiron as mesmas fontes.

As dilixencias instruídas en relación con estes feitos foron remitidas ao Xulgado de Instrución Número 2 de Verín.