Comeza a humanización da rúa Rosalía de Castro por 1,3 millóns de euros

PUBLICADO EN: Noticias de Galicia ► Vigo ▼
A-
A+

Abel Caballero participou hoxe venres no acto de colocación da primeira pedra das obras de humanización de Rosalía de Castro, entre o treito que vai de República Argentina a Canceleiro. Os traballos de mellora, que contan cun orzamento de 1,3 millóns, van prolongarse durante cinco meses.

O goberno de Vigo invistirá 1,3 millóns de euros en humanizar a primeira fase da rúa Rosalía de Castro -treito entre Inés Pérez de Ceta e Canceleiro-. Segundo explicou o rexedor, son case medio quilómetro de actuación dos que practicamente a metade serán para novas beirarrúas de pedra. A reforma prevista renovará 2,5 quilómetros de canalizacións soterradas, incluirá 120 novos puntos de luz, xardineiras en rotondas e medianas e sinalización luminosa no pavimento dos edificios emblemáticos.

Cun prazo de execución de 5 meses, a humanización suporá que entre República Argentina e Oporto, haberá dous carrís de circulación por sentido, unha medianeira vexetal e aparcamento en liña a ambos lados. Tal e como precisou o rexedor, entre a rúa Oporto e Canceleiro, haberá un carril de circulación por sentido, aparcamento en batería ambos lados, ademais dunha medianeira vexetal de separación.

16 de xaneiro de 2015 | 18:26 • Sen comentarios

Comentarios pechados.