Charla de iniciación ao deporte adaptado en Adace

Na mañá de hoxe tivo lugar unha charla na Asociación de Dano Cerebral Adquirido de Lugo(ADACE), por parte do preparador físico da Fundación Azkar, Ángel Pérez.

Durante a exposición expuxéronse varias alternativas deportivas para realizar actividade física mediante deportes adaptados ás necesidades de cada persoa, tanto a nivel de deportes colectivos como individuais pasando por outro tipo de actividades físicas non competitivas. Os usuarios da asociación mostráronse moi receptivos a esta iniciativa e en próximas datas seguirase realizando esta aproximación ao deporte adaptado de cara a seguir achegándoo tanto a estes colectivos coma a outros.

A Fundación Azkar leva varias semanas estudando e coñecendo ao realidade das persoas con dano cerebral adquirido, mediante visitas in situ á asociación e mediante a investigación nesta área do deporte que pode beneficiar a moitos colectivos mellorar a súa calidade de vida.

Dende a Fundación Azkar tamén queremos aproveitar para felicitar a ADACE Lugo polo gran labor que realizan con este colectivo, digno de admirar.