Áurea Soto concretará o luns a súa decisión respecto ao seu cargo como concelleira tras o auto de apertura de xuízo oral

A edila de Urbanismo de Ourense, Áurea Soto, dará a coñecer o luns as súas decisións consecuencia do auto de apertura de xuízo oral no penal que corresponda, como “autora directa” de prevaricación urbanística na praza de Santo Antón según el juez instructor.

   O auto transcendeu este venres e a edila, segundo as directrices do PSOE para os seus cargos imputados, debe dimitir do seu cargo municipal tras a apertura de xuízo oral, aínda sen data fixada.

   Ela mesma, e o outro imputado e avogado, Carlos H.L., explicou nunha rolda de prensa o día 6 de outubro de 2014, que dimitiría antes da celebración do xuízo e en aquel momento pediu que fose canto antes “por respecto”.

   Mentres espera a concreción que achegará o luns en rolda de prensa, as palabras de Soto de outubro incluíron referencias ao seu traballo como “modélico para o urbanismo de Ourense nestes 8 anos” e á súa actuación na praza de Santo Antonio Antonio, para explicar que foi unha das súas primeiras actuacións “e representativa do moito que se fixo en urbanismo, e todo para arranxar a herdanza do PP”.

   Naquel momento, tras recorrer dúas veces o auto previo ao da apertura de xuízo oral, a edila asegurou que no expediente da praza de Santo Antonio Antonio “non pode quedar dúbida de que se tomou a decisión que había que tomar” para atender as reclamacións e o Plan Xeral de Ordenación Urbana de 2003 “admitiu a titularidad privada do subsolo e estaba en vigor cando se deu a licenza en 2007”.

   A praza de Santo Antón estaba ocupada polo asilo de anciáns rexentado por unha congregación relixiosa, sobre chan municipal, e o goberno rexentado por Manuel Cabezas, do PP, autorizou en 1998 a construción de vivendas á empresa Construcciones Irmáns Carrajo, incluíndo a construción dun aparcamento subterráneo baixo o espazo público da praza, segundo recorda o xuíz no seu auto de apertura de xuízo oral. O aparcamento contou con licenza de apertura en 2002.

   Houbo varias sentenzas e recursos, entre elas unha de demolición do Tribunal Superior de Xusticia de Galicia (TSXG) en 2004. O goberno local cambiou en 2007, e o tamén imputado Carlos H.L., contratado como xurídico polo Concello de Ourense, emitiu un informe en outubro de 2007 “co fin de dar cobertura formal á decisión tomada pola concelleira de Urbanismo de dar novas licenzas de legalización e pedir a inejecución da sentenza de demolición”, segundo o escrito do fiscal.

   En decembro de 2007, Soto levou a aprobación a unha xunta de goberno local as licenzas de obra e de ocupación a Cosntrucciones Hermanos Carrajo “a sabendas da ilegalidade do acordo adoptado”, segundo o auto de apertura de xuízo oral.

   Todos os integrantes da xunta de goberno declararon como imputados durante a instrución que durou dous anos, dende a denuncia presentada por Democracia Ourensana e a personación dun promotor local, autor de varias denuncias contra a edila de Urbanismo.