Enviar a un amigo
Opinar
ImprimirAs oficinas de Turismo Rías Baixas conseguen as primeiras certificacións “Q” de calidade
O Instituto de Calidade Turística Española (ICTE), organismo que xestiona e certifica a marca “Q” de calidade turística, outorgoulles esta distinción ás oficinas de Turismo Rías Baixas (a oficina central do palacete das Mendoza, en Pontevedra, e o punto de información do mosteiro da Armenteira, en Meis), tendo en conta a calidade das instalacións, o servizo de atención e acollida do turista e a continua mellora dos medios técnicos e humanos.
A certificación “Q” de calidade representa un incremento da imaxe, tanto a nivel de institución coma de referente para o destino turístico, pois propicia que o servizo sexa máis competitivo.
En virtude desta concesión a oficina de Turismo Rías Baixas no palacete das Mendoza e o punto de información turística do mosteiro da Armenteira son as primeiras oficinas de Galicia en acadar esta distinción.
En 2014 a oficina do palacete das Mendoza recibiu 32.500 visitantes; o punto de información do mosteiro da Armenteira, 14.178.
A entrega do distintivo “Q” de calidade terá lugar en FITUR o vindeiro 29 de xaneiro.
En Galicia hai 265 empresas certificadas no sector turístico, das cales 93 son de Pontevedra (sobre todo do subsector hoteis e apartamentos turísticos).
