As obras de reforzo da sinalización nas curvas de Santa Ana comezarán o luns

O alcalde de Fene, Gumersindo Galego, informou esta mañá de que o próximo luns, 2 de febreiro, o Servizo de Conservación de Estradas do Ministerio de Fomento iniciará a instalación de sinalización adicional para a mellora da seguridade na estrada N-651 no tramo comprendido entre os puntos kilométricos 27+300 e 29+500, coñecido como as curvas de Santa Ana. Así llo comunicaba esta mesma mañá o departamento estatal ao Concello de Fene, cumprindo co compromiso adquirido o mes pasado co propio rexidor nun encontro solicitado por este último para demandar de Fomento, administración competente na estrada, unha solución aos múltiples sinistros rexistrados nesta vía.

Un encontro no que Gumersindo Galego entregou un informe elaborado pola Policía Local cos atestados realizados no último ano na zona e coa demanda clara de implantar medidas de seguridade. O reforzo da sinalización foi o compromiso adquirido, ao tempo que dende Fomento se expoñía que calquer outra medida no firme debería ser avaliada polos ténicos do departamento.

Agora, esas medidas iniciaránse a próxima semana. Así, Conservación de Estradas procederá á instalación de sinalización vertical de velocidade máxima permitida, segundo o caso a 50 ou 70, nos puntos kilométricos 28+540, PK 28+820; PK 29+020, e PK 29+060. Reforzaráse tamén a información de advertencia de perigo a través dos sinais de curvas perigosas mediante elementos luminosos (triflash con placas solares) ubicados nos seus tres vértices, e pintaránse as marcas viais co obxecto de alertar aos conductores sobre a súa proximidade a un tramo sinuoso (PK 28+540 e PK 29+060).