Ábrese o prazo de participación de comparsas e carrozas no Entroido 2015

As comparsas e carrozas interesadas en participar nos desfiles do Domingo e Martes de Entroido deben apuntarse a partir de mañá, 13 de xaneiro, na Oficina de Información Turística e Sala de Exposicións de Verín (rúa Irmáns La Salle -ao carón da Casa da Cultura de Verín-).

Os datos que deben facilitar á hora da inscrición son os seguintes: nome da persoa que inscribe, teléfono de contacto, se é carroza ou comparsa, número de compoñentes e se levan música ou non.

O prazo de inscrición finaliza o xoves 05 de febreiro, ás 19.30 horas. O horario de atención ao público da Oficina Municipal de Turismo e Sala de Exposicións de Verín é de luns a sábado, das 10 e ás 14 e das 17 ás 19.30 horas.