A CRMH reclama a retirada da simboloxía franquista na cidade da Coruña

Representantes da Comisión pola Recuperación da Memoria Histórica (CRMH) da Coruña reclamará ao goberno local coruñés a retirada da simboloxía franquista na cidade, segundo informa.

En concreto, farao a través da presentación, no rexistro municipal de María Pita, dun escrito dirixido ao alcalde da Coruña, Carlos Negreira, no que lle solicitará que presente unha moción sobre a eliminación desta simboloxía.

Segundo informa a CRMH, o escrito irá acompañado “dunha completa información de 17 páxinas, que xustifica esa petición”, sinala nun comunicado. Ademais, avanza que entregará o contido desta proposta a todas as organizacións políticas.

“Para que sexa incluída no programa electoral”, engade ante a próxima convocatoria de eleccións municipais e as distintas propostas que elaboren as formacións políticas a este respecto.