Un veciño de Ponteareas foi detido como suposto autor de dous roubos en interior de vivendas

A Garda Civil detivo a A.J.M., de 41 anos de idade e veciño de Ponteareas, como suposto autor de dous delitos de roubo en interior de dúas vivendas de Ponteareas.

O pasado día 20 de novembro presentouse unha denuncia no Posto Principal da Garda Civil de Ponteareas polo roubo dunha bicicleta valorada 1200 euros.

Por mor desta denuncia compoñentes do referido Posto iniciaron as oportunas investigacións que deron como resultado a localización e detención do suposto autor así como a recuperación e entrega ao lexítimo dono da bicicleta.

Unha vez conducido o detido ás dependencias oficiais para a instrución das correspondentes dilixencias, sométeselle a un superficial cacheo atopándoselle no seu poder varias xoias das que non pode xustificar a súa procedencia lícita, polo que se procedeu á súa incautación e posta a disposición xudicial ata que se puidese determinar a súa orixe.

As dilixencias instruídas, xunto co detido, foron entregadas no Xulgado de Instrución de garda dos de Ponteareas, decretando a liberdade con cargos.

Posteriormente o día 28 do pasado mes comparece no Posto Principal da Garda Civil de Ponteareas un veciño da localidade denunciando un roubo con forza nunha vivenda da súa familia o día 20 de igual mes, no cal foron subtraídas numerosas xoia dos seus pais.

Ante as coincidencias das xoias descritas polo denunciante como subtraídas e das que foron intervidas, púidose constatar que son as mesmas do ilícito denunciado.

Por todo iso, o pasado día 30 de novembro, procédese novamente á detención de A.J.M., por outro delito de roubo con forza e outro por un quebrantamento de condena, ao ser sorprendido xunto ao seu exparella sobre a cal ten unha orde de afastamento.

Instruíronse as correspondentes dilixencias que, xunto co detido, ao que lle consta un amplo historial de antecedentes policiais, foron entregadas no Xulgado de Instrución número DOUS de Ponteareas quen decretou o seu ingreso en prisión.