Últimos días para aproveitarse das condicións especiais da Campaña Anual de Aboados do Celta

PUBLICADO EN: Noticias de Galicia ► Vigo ▼
A-
A+

Este mércores 31 de decembro finaliza o prazo para beneficiarse das condicións especiais da Campaña Anual de Aboados, as mesmas que se ofreceron durante a campaña estival. As renovacións realizadas ata a devandita data gozan dun desconto do 5% sobre o custo do aboamento, acumulable ao desconto de accionista ou familiar ata un máximo do 15%. Ademais, tanto renovacións coma altas tramitadas antes de Ano Novo quedan exentas de pagar suplemento nos partidos designados como ‘Día do Club’.

A partir do 1 de xaneiro as renovacións terán o mesmo custo que as altas, aínda que sen a cota que se aplica a estas últimas. En ambos os dous casos, pagarán suplemento os ‘Días do Club’ e os prezos que se aplicarán serán os propios da Campaña Anual 2015.

A oficina de Aboados abre este martes de 10.00 a 14.00 e de 17.00 a 20.00 horas, mentres que o mércores só o fará en horario de mañá. A plataforma online ofrece a posibilidade de xestionar o carné de subscritor dun xeito cómodo e sinxelo as 24 horas do día: www.celtavigo.org/abonosCelta

29 de decembro de 2014 | 18:43 • Sen comentarios

Comentarios pechados.