Todas as autoridades tratan de aclarar o suposto desterro de xitanos en Tui

O delegado do Goberno en Galicia, Santiago Villanueva Álvarez, reiterou que “tódalas autoridades” están colaborando para “aclarar” o acontecido co suposto desterro de 410 persoas afincadas nas localidades pontevedresas do Porriño e Tui, e insistiu en que van garantir que ninguén se poida ver privado dos seus dereitos”.

En declaracións aos medios durante unha visita aos traballos de acondicionamento do regueiro Aboal, en Mondariz (Pontevedra), Villanueva sinalou que “non hai ningunha denuncia” relacionada con este caso, a pesar do que a Garda Civil “está a actuar de oficio” en colaboración coa Fiscalía e coa Delegación do Goberno.

Precisamente, a Fiscalía do Tribunal Superior de Xustiza de Galicia (TSXG) chamou a declarar (para este mércores) ao presidente de Sociedade Xitana de Galicia, Sinaí Giménez, no marco das dilixencias abertas para dilucidar se se cometeu algún delito no suposto desterro de este colectivo de xitanos casteláns.

Finalmente, Villanueva reiterou que “todas as autoridades, Fiscalía e corpos de seguridade” van a “garantir, non soamente neste caso, senón en todo caso, que ninguén se poida ver privado dos seus dereitos”.

Ademais, comunicou que mantivo “reunións con parte dos afectados” e este mesmo xoves terá un encontro con “outra das partes” relacionadas co suposto desterro.