Sergio García imponse no Cross de Parla

O atleta da Sociedade Ximnástica, Sergio García, está a ter boas sensacións no inicio da tempada, cunha fantástica vitoria no Cross de Parla, nunha disciplina que lle está a servir moi ben de preparación de cara á pista cuberta.

Os atletas da Ximnástica despiden o ano competindo

Xa próximos ao final de 2014 e co obxectivo de empezar a realizar as marcas mínimas para os Campionatos Oficiais, os atletas da Sociedade Ximnástica competiron en Valencia e Sevilla, entre outras localidades.

En Sevilla unha das novas incorporacións do equipo pontevedrés, Alberto Guerrero, impúxose na proba de 400 metros, do Trofeo Delegación de Sevilla de Atletismo, cunha prometedora marca de 50.39.

En Valencia, Sandra Carballo realizou o seu primeiro Pentatlon da tempada, completando as cinco probas da Combinada cun segundo posto e 3.020 puntos; marca que pode mellorar no próximo Campionato de Galicia.

Vigo e Ourense foron testemuñas do mellor da Ximnástica nas últimas competicións en ruta do ano

Na localidade ourensana de San Cibrao dás Viñas, celebrouse a décimo terceira edición da súa carreira pedestre provincial de Nadal, sobre unha distancia de 10 quilómetros, que ademais serviu como Campionato Provincial da especialidade.

Rubén Diz reapareceu tras a súa participación no nacional de Maratón e levouse a vitoria cun tempo de 32 minutos e 25 segundos.

Aínda que a nivel absoluto a Ximnástica non estivo nos postos de cabeza da carreira do Pavo de Vigo, unha das máis antigas de Galicia, a excepción de Barca Toba, que foi oitava na categoría feminina; os atletas pontevedreses brillaron sobre todo nas categorías menores; Jorge Puig foi segundo na categoría júnior, mentres que Fernando Rial, repetiu o mesmo posto na categoría xuvenil e Oscar Abal foi cuarto na carreira cadete.