Enviar a un amigo
Opinar
ImprimirRey Varela visita a xogoteca da praza de España
Rey Varela na visita á xogoteca
O alcalde de Ferrol, Jose Manuel Rey Varela, visitou hoxe a nova Xogoteca da Praza de España onde se desenvolven diferentes actividades de conciliación familiar e laboral. Este novo equipamento integrado na rede de actividades infantís da Concellería de Igualdade e Xuventude é un compromiso asumido polo Goberno Municipal de Jose Manuel Rey de ampliar a zona de xogos da praza de España cun espazo cuberto para actividades infantís de tempo libre, lúdica e formativas. Jose Manuel Rey estivo acompañado da edil responsable das políticas de Igualdade e Xuventude da Administración municipal na visita a estas novas instalacións públicas que na xornada de hoxe entraron en funcionamento.
Rey Varela destacou a importancia que ten aumentar os equipamentos públicos dirixidos ás familias e aos máis pequenos, e aínda máis cando permiten favorecer a conciliación da vida familiar, laboral e social, como é o caso da nova xogoteca da praza de España. “Instalacións como esta cumpren ademais co obxectivo do Goberno Municipal de encher a praza de España de vida, o que tamén conseguiremos coa próxima apertura da nova Oficina Central de Turismo da cidade no outro edificio da praza”, dixo o rexedor ferrolán. En canto ao programa de conciliación e obradoiros dirixidos aos máis pequenos Rey Varela avanzou que a Concellería de Igualdade e Xuventude ofertará novas prazas e actividades xa de cara a este Nadal.
A nova Xogoteca Municipal da praza de España dispón de 117,30 metros cadrados de superficie cuberta destinados á infancia. Todos os talleres do programa de conciliación “Xogoteca” xa están en marcha e destacan pola súa variedade tanto lúdica como formativa con obradoiros de inglés, cociña, cine ou zumba. A proposta dirixida a menores ferroláns entre 3 e 12 anos permite realizar tres actividades simultáneas divididas por idades, o que supón 45 nenos e nenas en actividades cada hora. En total, un total de 366 nenos/as están inscritos nun ou varios dos talleres que se desenvolven neste espazo e que son gratuítos. Aínda quedan prazas libres na franxa de idade comprendida entre os 10 e os 12 anos.
Actividades que se desenvolven na Xogoteca
Segundo a gran variedade de obradoiros, a relación de talleres e a franxa de idade para a que están dirixidos é a seguinte:
Menores de 3 a 6 anos:
– Predeporte
– Xogando con fieltro
– Chiquitirritmo
– Gyncana Musical
– Merenda con conto
– Plástica
– Reciclando
– Babyenglish
– Psicomotricidade
– Merenda con cine
– Ciencia divertida
– Pequecheff
Menores de 7 a 9 anos:
– Apoio escolar
– Inglés
– Zumba
– Multideporte
– Creatividade e pintura
– Cociña
– Costura
– Reciclando
– Ciencia divertida
– Cine
Menores de 10 a 12 anos:
– Apoio escolar
– Inglés
– Zumba
– Multideporte
– Manualidades creativas
– Cociña
– Costura
– Reciclando
– Ciencia divertida
– Cine
O Goberno Municipal de Ferrol investiu 170.000 euros no proxecto de acondicionamento deste local para que tivera usos públicos destinados á infancia. As obras realizadas incluíron a redistribución do espazo para adaptalo á súa finalidade, a modificación do acceso así como a creación dunha rampla que cumpre a nova normativa de accesibilidade e a dotación de mobiliario.
