Regresa a campaña “Atopa o duende de Nadal en Sarria”

A ACES-CCU porá en marcha un ano máis a campaña “Atopa o duende de nadal en Sarria” para lograr a promoción do comercio sarrián co fin de dinamizar as vendas durante o período do Nadal.

Esta campaña comezará mañá mércores día 3 de decembro e estará presente no colectivo da ACES-CCU ata o día de reis. Do mesmo xeito que en anos anteriores sortearanse mil euros repartidos en varios vales de compra. Nesta ocasión sortéanse un total de 18 vales de compra, dous vales de 100 € e 16 vales de 50 €. Así, durante pouco máis dun mes, os clientes do Centro Comercial Urbano de Sarria comprobarán que apostar polo comercio de proximidade ten premio.

O aceso das luces de Nadal está previsto para este mesmo xoves día 4 de decembro, creando un ambiente do Nadal nas rúas da vila, xunto coas decoracións dos comercios e algunha actividade que se desenvolverá desde ACES-CCU.

Este ano contaremos con actividades de animación na rúa en diferentes días, con especial atención ás zonas onde a concentración comercial sexa máis relevante. Realizaranse varios talleres na rúa, talleres rápidos dedicados aos nenos e nenas da vila. Ademais teremos a visita do Carteiro Real que pasará por algúns dos comercios asociados para recoller as cartas depositadas nas caixas de correos dos Reis Meigos.