Os Riazor Blues reclaman a pronta posta en liberdade dos integrantes da peña detidos

Os Riazor Blues negan, a través do seu blog, que se organizase unha “quedada” entre ultras do Atlético de Madrid e do Deportivo de La Coruña, ademais de pedir “a pronta posta en liberdade” dos membros desta pena detidos.

Tamén trasladan o seu “pésame” a familiares e amigos do siareiro falecido, Francisco José Romero Taboada. A el, membro desta peña, dedican o seu blog.

‘Jimmy D.E.P’, aparece nunha esquina do blog escrito con letras azuis e co nome co que era coñecido entre os seus achegados e coñecidos. Ademais, aparece nun fondo negro, unha bandeira coas cores do Deportivo e enriba un lazo negro.

Debaixo, publican un comunicado no que dan o seu “máis sentido pésame a todos os familiares e amigos do noso irmán Jimmy”, engaden no seu escrito.

APOIO

“Aproveitamos tamén para aclarar que os feitos acontecidos o pasado domingo non corresponden con ningunha quedada entre membros dos dous grupos”, sinalan en alusión aos Riazor Blues e ao Frente Atlético”. Tamén subliñan que a súa forma de viaxar “foi a mesma que en anos anteriores”.

Na mesma liña, mostran o seu “apoio e solidariedade” aos seus “compañeiros detidos, algúns deles feridos, así como aos seus familiares”, apostilan. Nesta, piden “a súa pronta posta en liberdade”, engaden o comunicado sobre os 15 detidos de membros de Riazor Blues.