Os empresarios de Ferrolterra e Iberdrola asinan un acordo de colaboración

O presidente da Asociación de Empresarios Ferrolterra (AEF), José Ramón Franco Caaveiro, e Eduardo Vázquez Vázquez, Xestor de Grandes Contas de Iberdrola en Galicia, asinaron un acordo de colaboración para obter condicións preferentes de subministración de enerxía para os asociados da AEF A través deste convenio, a AEF e IBERDROLA alcanzan un acordo de colaboración, co fin de desenvolver as áreas comercial, institucional e técnica comúns entre as entidades, tomando en consideración as diferentes condicións de consumo dos puntos de subministracións dos asociados e as particularidades dos novos mercados de gas e electricidade.

Sendo os obxectivos deste convenio definir un tratamento diferencial para os asociados, facilitar ás asociados condicións competitivas de contratación de enerxía, analizar os contratos dos asociados, etc.

IBERDROLA comprométese a ofertar un prezo preferente individualizado a cada asociado por pertencer á AEF.

A vixencia do acordo entre a AEF e IBERDROLA é dun ano e enmárcase dentro da colaboración habitual existente entre ambas as entidades.

A firma do convenio tivo lugar na sede da Asociación de Empresarios Ferrolterra, ás 09,30 horas de hoxe, 12 de decembro. Estiveron acompañados por Pedro de Marcos Lorenzo (Xestión Canle Presencial de IBERDROLA) e Agustín Salgado (Director Comercial Zona Norte de NCC Galicia).