O Deportivo realiza un parón no seu adestramento en sinal de duelo polo siareiro falecido

O Real Club Deportivo da Coruña levou a cabo un parón no comezo da súa sesión preparatoria desta mañá -11.00 horas- para mostrar “as súas condolencias e apoio á familia de Francisco Javier Romero Taboada, ‘Jimmy'”, o siareiro falecido durante os altercados deste domingo en Madrid.

Tal e como anunciara nun comunicado este domingo, a medida realizouse en sinal de duelo pola “vítima dos incidentes violentos ocorridos en Madrid” e como acto simbólico para mostrar “o seu rexeitamento frontal, e o do club, a todo tipo de violencia que prexudica ao deporte, ao fútbol e á liga”.