Enviar a un amigo
Opinar
ImprimirO Concello da Laracha outorga quince premios nos concursos de postais e conto de Nadal
Valoración das postais presentadas
Os membros do xurado dos concursos de Nadal de postais e de conto convocados polo Concello da Laracha reuníronse hoxe na biblioteca municipal da Laracha para valorar os máis de trescentos traballos presentados entre ambos certames polos alumnos de todos os centros de educación infantil e primaria que existen no municipio. Dito xurado estivo formado por Patricia Bello, a concelleira de área de ensino, cultura e deportes, a directora do CIM, a responsable da biblioteca e representantes dos colexios da Laracha, Paiosaco e Caión.
Como foi habitual nos últimos anos, ao concurso de postais as aulas de educación infantil presentaron traballos colectivos realizados por todos os nenos da clase. O resto das postais elaboráronse de xeito individual e os premios foron outorgados por grupos de idade, diferenciando entre o primeiro e o segundo ciclo.
O concurso de conto mostrou a imaxinación e facilidade para a escritura dos participantes, sendo sempre a título individual, tal e como establecían as bases do certame, contando neste caso con alumnos do terceiro ciclo de educación primaria como únicos participantes.
Os quince premios outorgados polo xurado serán entregados aos gañadores nun acto que se desenvolverá o sábado a partir das 12:00 horas na Casa da Cultura da Laracha. Consistirán en xogos e en material educativo acorde ás idades de cada un dos premiados.
Premiados no Concurso de Postais
Categoría A (educación infantil)
– Aula de 3 anos do CEIP Alfredo Brañas de Paiosaco.
– Escola de Educación Infantil de Comiáns (Montemaior).
– Aula de 4 anos do CEIP Alfredo Brañas de Paiosaco.
– Aula de infantil do CEIP de Caión.
– Aula de 5 anos “C” do CEIP Otero Pedrayo da Laracha.
– Aula de 5 anos do CEIP Alfredo Brañas de Paiosaco.
Categoría B (primeiro ciclo de educación primaria)
– Álvaro Vicente Fuentes (CEIP de Caión).
– Xoel Cuadrado Poncini (1ºB do CEIP Otero Pedrayo).
– Sebastián Formoso Piccardi (1ºA CEIP Otero Pedrayo).
Categoría C (segundo ciclo de educación primaria)
– Laura Morgade Varela (CEIP de Caión).
– Erika González Guillín (3ºD do CEIP Otero Pedrayo).
– Antonio Mato Martínez (4º de primaria do CEIP Alfredo Brañas de Paiosaco).
Premiados no Concurso de Conto (dirixido a estudantes do 3º ciclo de primaria)
– Sofía Alonso Mesías (5º de primaria do CEIP Alfredo Brañas de Paiosaco) por Cantando no Nadal.
– Alejandra Montes Frade (5º de primaria do CEIP Otero Pedrayo da Laracha) por Alerta vermella no Polo Norte.
– Brais Fraga Rodríguez (6º de primaria do CEIP Alfredo Brañas) por Rodolfo e o seu nariz.
