O CGPJ renova as comisións de servizo de reforzos de tres xulgados de Vigo

A Comisión Permanente do Consello Xeral do Poder Xudicial (CGPJ) acordou este martes renovar outros seis meses as comisións de servizo dos xuíces de tres xulgados de Vigo, que realizan funcións de reforzo.

Segundo informou o Tribunal Superior de Xustiza de Galicia (TSXG), trátase da sección sexta da Audiencia Provincial de Pontevedra, dos xulgados do Social e do xulgado a cargo dos casos das preferentes.

Desta forma, tal e como trasladou esta mesma fonte, a renovación das comisións de servizo de reforzos destes xulgados manterase ata o próximo 30 de xuño de 2015.