O centro de saúde de A Parda participa no programa Conecta 72 do Sergas

O centro de saúde de A Parda en Pontevedra é referente autonómico e colaborador activo de xeito piloto xunto con outros seis centros de saúde galegos na posta en práctica asistencial do denominado Programa Conecta 72, iniciado o pasado venres 12 de decembro polo SERGAS.

O Programa Conecta 72 ten como obxecto instaurar unha nova modalidade sanitaria, que mellora a calidade da atención mediante a integración entre profesionais de enfermería de distintos niveis asistenciais, a continuidade de coidados e o establecemento de comunicación entre a enfermeira e mailo paciente tras a súa alta hospitalaria.

Segundo sinalan desde a coordinación de enfermaría o Centro de saúde de A Parda, a metodoloxía a seguir no Programa Conecta 72 consiste en que tras producirse unha alta hospitalaria dun paciente atendido no Complexo Hospitalario Universitario de Pontevedra, o sistema informático de xestión clínica do SERGAS xenera unha cita automática na axenda dos profesionais de enfermería de Atención Primaria, denominada Conecta 72.

Esta cita -que se establecerá nun período non superior ás 72 horas da alta do paciente- permite aos profesionais de enfermería do centro de saúde de A Parda acceder a dous informes: o tramitado polo médico á alta e o informe de enfermería de continuidade de coidados, ambos emitidos polos profesionais médico e enfermeiros do CHOP.

Consulta telefónica co paciente

A continuación, unha enfermeira do centro de saúde de A Parda efectúa unha consulta telefónica co paciente para comprobar que entendeu todo o seu proceso do ingreso hospitalario e posterior alta, ademáis de ofrecerlle a posibilidade de resolver dúbidas sobre o seu tratamento ou calquera cuestión sobre seguemento clínico.

Cómpre sinalar que a fase de probas desta nova modalidade asistencial de seguemento post-hospitalario durará un mes nun total de sete centros de saúde galegos. A todos os pacientes e profesionais participantes no Programa Conecta 72, o Servizo Galego de Saúde lles efectuará unha enquisa para valorar os resultados e, en función dos mesmos, estender gradualmente dita ferramenta asistencial aos centros de saúde de toda a Rede Sanitaria autonómica