O canteirán Madinda disputará a Copa África 2015

Levy Madinda, centrocampista do primeiro equipo e canteirán do RC Celta, disputará con Gabón a fase final da Copa África. O futbolista celeste foi convocado pola súa selección para participar no máximo torneo africano de seleccións nacionais, que na súa trixésima edición celébrase en Guinea Ecuatorial.

Madinda concentrarase desde o 3 de Xaneiro até o 9 de Febreiro con ‘Las Panteras’. O canteirán celeste consolidouse no combinado gabonés, co que ofreceu un gran rendemento e actuacións destacadas na fase de grupos.