O Campus de Nadal de Tomás de Dios convértese nun éxito total na súa primeira edición

Entrega de certificados

A primeira edición de Campus de Nadal Tomás de Dios, que bateu de sobra as expectativas, ao ter que ampliar ao dobre as prazas de inscrición, e contar con 87 participantes, clausurouse esta tarde coa entrega dos diplomas de asistencia.

Tras dous días nos que os nenos puideron compartir a experiencia de realizar sesións de adestramento co ex adestrador, e agora embaixador do Santiago Futsal, así como diversas actividades de inglés e manualidades, o Campus clausurouse sendo un total éxito cunha magnífica participación por parte dos nenos.

Ademais, o Campus de Nadal Tomás de Dios serviu como medio de inserción social pois tanto os integrantes da Asociación Down Compostela, coma os da Asociación Aspas, asistiron a diferentes sesións de entrenamientocon Tomás de Dios e puideron gozar da experiencia desta primeira edición do Campus de Nadal.