Nicolás Argibay e Sara García son os mellores competidores do Campionato Galego de Combate

Unha das probas do campionato

Nicolás Argibay (Taekanart) e Sara García (Dobok) foron elixidos coma os mellores competidores do Campionato Galego de Combate 2014, que se celebrou o domingo en Lugo coa participación de case 120 deportistas. Este torneo é coma todos os anos fundamental, xa que sirve para conformar a selección galega que participará no Campionato de España (previsto para o 7 de febreiro, no calendario provisional da Real Federación Española de Taekwondo).

Sara García logrou o título de campioa galega no peso pluma, ao superar na final a Marta Colón do Mace Sport. Pola súa banda, Nicolás foi o gañador no peso mosca, tras vencer no último combate ao experimentado Miguel Cortegoso (Mace Sport). Na categoría de clubs, destacar o triunfo do Natural Sport de Ribeira, mentres que José Loren foi elixido coma o mellor árbitro e o Mace Sport recibiu o premio ao xogo limpo.