Nadal deportivo no Carballiño

A área de deportes do concello do Carballiño preparou varias actividades para estas datas do Nadal, pensando en todos os públicos e, especialmente nos máis pequenos. O acto final destas actividades será o memorial Fusi, que un ano máis o concello carballiñés convocou para lembrar a figura deste veciño que nos deixou fai uns, e que sempre foi un referente do deporte local, especialmente do fútbol.

O memorial Fusi celebrarase os días 3 e 4 de xaneiro, e nel participasen os equipos de Arrabaldo, Barbadas, Ourense e Arenteiro. Os partidos xogaranse no municipal de Espiñedo.

Doutra banda o vindeiro venres, 19 de decembro, celebrarase a Gala do Deporte Local, onde se premiará aos deportistas máis destacados desta pasada campaña. Esta gala terá lugar, como é habitual, no auditorio da vila.

A estas actividades deportivas débese sumar a carreira solidaria, que se celebrará o 28 de decembro, e que ten como obxectivo recoller alimentos non perecedoiros para as familias necesitadas da comarca. Esta carreira está organizada en colaboración coa Cruz Vermella do Carballiño e Cáritas.

Por último durante todo o nadal os carballiñeses, e todos os que nos visiten nesas datas, poderán practicar a patinaxe sobre xeo, grazas á pista que se instalarña na praza vermella desde o 19 de decembro ao 8 de xaneiro.