Gran ambiente na firma de xogadores celestes en El Corte Inglés

PUBLICADO EN: Noticias de Galicia ► Vigo ▼
A-
A+
Firma dos xogadores do Celta

Firma dos xogadores do Celta

El Corte Inglés rexistrou esta tarde un gran ambiente celtista na multitudinaria firma de autógrafos de xogadores e adestrador do Real Club Celta organizada polo club, coa colaboración de Canle + e os grandes almacéns, co obxectivo de reforzar o achegamento entre Celta e afección. Innumerables seguidores acudiron á Planta 6 do establecemento comercial situado en Gran Vía para obter os autógrafos e fotografarse cos futbolistas Nolito e Larrivey e o técnico Eduardo Berizzo.

O encontro entre xogadores, adestrador e afección congregou a centenares de seguidores, que xa facían cola con moita antelación para poder compartir uns minutos cos protagonistas do primeiro equipo celeste.

Técnico e futbolistas atenderon con entusiasmo aos afeccionados durante máis de hora e media nunha nova iniciativa encamiñada a promover o achegamento entre club, equipo e afección, que unha vez máis demostrou a gran ilusión e confianza que depositou no conxunto celeste.

11 de decembro de 2014 | 20:55 • Sen comentarios

Comentarios pechados.